Det er lovfesta i Plan- og bygningslova § 3-2 at "Regional planmyndighet skal veilede og bistå kommunene i deres planleggingsoppgaver".
Som for alle offentlege organ har fylkeskommunen rett og plikt til å delta i planlegginga "når den berører deres saksfelt eller deres egne planer og vedtak som kan ha betydning for planleggingen".
Rettleiingsansvaret kjem til uttrykk på fleire måtar, gjennom informasjon på nettsider, regionalt planforum, plannettverk og kompetanseutvikling.
Nettsidene www.hordaland.no/plan er utarbeidd med tanke på dette. Dei som bruker nettsidene vil finne at det er ei viss overlapping mellom temaet "planrettleiing" og "regional startpakke". Startpakken er spesielt meint som ei starthjelp til kommunane i deira planlegging, med vekt på formidling av kunnskapskjelder og regional politikk knytt til ulike plantema.
Dei formelle sidene ved kommunal planlegging med lenker til lovverk, kartforskrift og rettleiingsmateriell er i hovudsak å finne på www.planlegging.no på Miljøverndepartementet sine nettsider. Her er også ei side med spørsmål og svar knytt til innføringa av ny lov.
Lov om planlegging og byggesaksbehandling av 27. juni 2008 nr. 71 (plan- og bygningslova)
Sjå også www.fmho.no/planlegging på Fylkesmannen i Hordaland sine nettsider.