Søk i hordaland.no

Havbruk

Konsesjonssøknadar
Fylkeskommunane er konsesjonsmynde i sakar som gjeld akvakultur, og koordinerer og vidaresender akvakultursøknader til relevante sektorstyresmakter og kommunar. Fylkeskommunane skal også sakshandsame søknadar om løyve til både antallavgrensa og ikkje-antallavgrensa løyve. Vidare sakshandsamer fylkeskommunen søknadar om endringar for eksisterande verksemder og klarering av lokalitetar.

Søknadsskjema akvakultur og fangst av kystsel

Fiskeridirektoratet er klageinstans

Fiskeridirektoratet sentralt skal vera klageinstans for førsteinstansvedtak som vert gjort av fylkeskommunane. Fiskeridirektoratet sitt regionkontor sine tilsyns- og kontrolloppgåver i driftsfasen skal ikkje overførast til fylkeskommunane.

Faglege vurderingar

Tildeling av akvakulturløyve skjer i medhald av dei rammer akvakulturlova sett. Regelverket legg til grunn at tildelingsstyresmaktene si søknadshandsaming i hovudsak skal vera basert på faglege vurderingar. I den grad forskriftsverket opnar for bruk av skjønn, skal skjønnet vera fagleg kvalifisert.