Eit livskraftig Hordaland krev at by og bygd er attraktive for eit breitt mangfald av grupper i samfunnet. Det vert satsa på vidareutvikling og fornying av det lokale næringslivet, gode tenester, lokale tilbod, møteplassar og stadutvikling.
Kommunane viktige for utvikling
Kommunane si rolle som utviklingsaktørar er sentral i tilrettelegginga for lokalt forankra mobiliseringsprosessar retta mot båe entreprenørskap, trivsel og bulyst, inkludering, identitetsskaping og omdømebygging.
Samarbeid på tvers
Lokal eigenart er i kontinuerleg endring og må skapast og kommuniserast positivt i samspel med andre. Entreprenørskap og samarbeid innan opplevingsbasert næringsliv, geoturisme, tradisjonelt landbruk og anna landbruksrelatert næringsutvikling, er viktige satsingsområde.
Det er viktig at vi lukkast med å utvikle og synleggjere næringsutvikling knytt til kulturlandskapet vårt, til dømes gjennom utvikling knytt til gardsturisme og kulturbasert næringsutvikling. Satsinga på livskraftige lokalsamfunn føreset god kommunikasjon i vid forstand.
Vegvisar for nyskaping
Nettstaden www.kom-an.no er eit viktig verkty i realiseringa av livskraftige lokalsamfunn og dialog desse imellom. Det er viktig å stimulere til prosessar som lettar transportsystema og betrar annan infrastruktur, som til dømes utvikling av velfungerande IKT-løysingar i heile fylket.
LivOGLyst og kommuneprosjektet
Satsingsprogramma LivOGLyst og kommuneprosjektet er dei store satsingane i Hordaland. Nettstaden kom-an.no er knutepunktet for mellan anna desse satsingsprogramma.
Kommuneprosjektet er ei viktig satsing for å for å fremme kompetanse hjå offentlege utviklingsaktørar og kommunane. LivOGLyst-programmet arbeid med å fremme positive prosjekt i lokalsamfunnet, for å betre bulyst og samarbeid.
Meir informasjon om:
LivOGLyst-programmet
Kommuneprosjektet
Nettstaden Kom-an.no
LUK - lokalsamfunnsutvikling i kommunane