Verdiskapingsprogrammet

Miljøverndepartementets Verdiskapingsproram for Kulturminne og Kulturmiljø

Riksantikvaren - Verdiskapingsprogrammet - Mål: 

Hordaland – det fylket som fekk flest prosjekt

Den 17.10.06 lanserte miljøvernminister Helen Bjørnøy dei pilotprosjekta som ville få midlar frå Verdiskapingsprogrammet for kulturminne og kulturmiljø. 
Hordaland er det fylket som fekk flest prosjekt, to reine Hordalands-prosjekt og to prosjekt der ein del av aktivitetane går føre seg i Hordaland.

- Pilotprosjekta frå Hordaland er:

1. "Perler i Nordsjøløypa", kommunane Fjell, Sund og Øygarden. 
2. "Oddaprosessen.no", kommunen Odda.

I tillegg er aktørar frå Hordaland deltakarar i to av dei andre pilotprosjekta som får midlar frå Riksantikvaren:
 
3. "Verdiskapings- og visningssentra i kyst-Noreg", varemerkeforeninga for Norsk tradisjonsfisk

4. "Nærøyfjorden Verdensarvpark” , Sogn og Fjordane fylkeskommune, gjeld kommuane Aurland, Lærdal, Vik og Voss

Alle pilotprosjekta har viktige fellesnemnarar, som gjer det aktuelt med eit godt samarbeid dei imellom.  Mellom anna er kystkultur fellesnemnaren for storparten av dei. Riksantikvaren legg opp til å etablere eit aktivt nettverk og samarbeid for alle pilotprosjekta, så Hordaland er her på ein nasjonal arena.
 
 
Meir om Pilotprosjekta i Hordaland

Perler i Nordsjøløypa (PiN)
 
Verdiskapingspiloten PiN er ei samarbeidsprosjekt mellom kommunae Fjell, Sund og Øygarden, Museum Vest, Hordaland flkeskommune, lokale kunstnarar næringsliv. Det interkommunale selskapet Gode Sirklar vil tilføre forskningsbasert kunnskap og kompetanse innan næringsutvikling, nyskapning og utvikling av eksisterade verksemder tl regionen. Selskapet er eigd av kommunane, og er drifta v SINTEF.
 
Ved hjelp av den lokale Nordsjøløypa, som er spesielt rik på kulturminne og bind saman gamle ferdselsårar, vil prosjektet formidle samenhenga mellom verdiskaping i fortid, notid og framid. Samtidig vil PiN utvikle aktivitetsbaserte opplevingar i tilknyting til kulturminna og kulturhistoria, inkludert nistepakkar til den kulturelle skolesekken.
 
Den lokale Nordsjøløypa er godt eigna som pilot i den nasjonale løypa og som nasjonal representant i den internasjonale North Sea Trail.
 
Prosjektet er samansett av tre kommunepilotar og tre fellesprosjekt som skal medverke til produkt- og tenesteutvikling i kommunepilotane. Kommunane har fokus på ulike aktivitetar. I Fjell satsar ein på å utvikle mat- og handverkstradisjonar på Fjell Gard, og å utvikle Fjell festning som museum og oppleving. I Sund er det aktivitetar knytta til båtliv, båtkultur og opplevingar på og ved sjøen, som står i fokus. I Øygarden er det ressursutnytting på området rundt Kystmuseet og delar av Nordsjøløypa som er sentralt for piloten.
 
Fellesprosjekt:
Kaisess: er eit arrangement som skal skape nytt liv på gamle kaier tre gongar i året. Kunstnarleg oppgradering og inkluderande aktivitetar skal medverke til dette. I tillegg er det ein ambisjon å skape varig verdiskaping pa området.
 
Kulturfartøy: er eit mobilt ’galleri’ av den utradisjonelle typen à la Nasjonalgalleriet sitt ’Kyss Frosken’ (i mindre format) som vil plassere seg ved kulturminne i regionen. Ved hjelp av samtidskunsten vil den formidle samanhengar samtidig som den inviterer tilskodarane til refleksjon.
 
Guideservice:  vil utvikle autentiske og profesjonelle forteljingar frå nærområdet som lokale guidar kan bruke, både i og utanfor Nordsjøløypa. På sikt tek piloten sikte på å utvikle eit guidekurs. Guideservice vil bli utvikla i samarbeid mellom Museum Vest og Norlandia Marsteinen Hotell.

Kommunepilotar:
Sund: Nordsjøløypa i triangelet Glesvær, Trellevik og Golten, i tillegg til Telavåg er utgangspunkt for aktivitetane.
Restaurering vil på sikt føre til at Golten landnotlag blir eit komplett landnotbruk som kan brukast til undervisning og reiselivstilbod. I tillegg vil det verta utvikla betre aktivitetsopplevingar både på land og sjø ved Trellevik Kystkultursenter, og ved Handelsstaden Glesvær. Her finst det kafé, rorbuer, båtutleige og eit svært aktivt ungdomslag. I Telavåg vil piloten restaurere dei einaste restane som står igjen etter brannen på staden i 1942.
 
Fjell:  Fjell Gard vil etter restaurering vise korleis livet til fiskarbonden på eit småbruk var på 1920-talet. På garden vil aktivitetar og kurs i m.a. matlaging og handverkstradisjonar verta arrangert. Går ein opp Russarstegen frå Fjell Gard kjem ein til Fjell festning, som var eit viktig forsvarsanlegg for tyskarane under andre verdsskrigen. Kommunen har no kjøpt festningen, og denne vil etter kvart inngå i prosjektet. Festningen har tidlegare berre vore tilgjengeleg for publikum ein gong i året.
 
Øygarden: Kystmuseet formidlar historie frå steinalderen fram til moderne tid. Piloten vil sikre fleire bygningar som er godt eigna til å vise ressursutnyttinga i tidlegare tider, då fisket var viktigaste næringsvegen. Det vil også verta bygd ein fast steinalderplass ved museet som skal formidle fortidshistorie på ein levande måte.
 
I tillegg vil piloten oppgradere kulturløypa som går mellom Ovågen, Kollsnes og Herdlevær med den spesielle energi- og ressurshistoria i regionen som tema.
 
Oddaprosessen

Prosjekteigarar lokalt er Odda kommune og Norsk Vasskraft- og Industristadmuseum
(NVIM).

Målsetjinga til prosjektet
Gjennom prosjektet skal ein ta vare på nasjonale og internasjonale verdiar lokalt. Målet er å skapa eit meir attraktivt og variert samfunn, med nye arbeidsplassar, der kulturminna er basis for ny vekst. Ungdom blir ei prioritert målgruppe. Det blir lagt vekt på å skapa utdanningstilbod og arbeidsplassar i ei bærekraftig utvikling og styrking av regionsenteret Odda.

I prosjektplanen frå Odda dagsett 28.01.2007, heiter det m.a.:

Odda skal vera ein stad å reisa til for å oppleva og å læra. Totalprosjektet inneber ein transformasjon av Odda med kulturminna som ressurs.

Ved val av ”Ka e det med Odda?” som pilotprosjekt i 4 års-perioden 2007-2010 
vart det frå Miljøverndepartementet / Riksantikvaren vektlagt og føresett:

• " at relevante lokale, regionale og nasjonale virkemidler settes inn i en helhetlig sammenheng for utvikling i Odda, der kulturarven utgjør et vesentlig og integrert element
• at en i byutviklingen og omstillingsarbeidet knyttet til smelteverkstomten legger grunnleggende vekt på ivaretakelse av kulturarven og vern gjennom bruk
• at en vektlegger organisering og samhandling som fremmer resultatoppnåelse og hensiktsmessig forankring og eierskap
• overføringsverdi til andre lokalsamfunn i lignende situasjon
• at Odda tar en aktiv rolle som samhandler i prosjektet med arbeidstittel ”Reiseliv i industriens vugge” som NHO-reiseliv har tatt initiativ til. ..."

Les meir her: Oddaprosessen.no (Odda kommune)