Prosjekt Bryggen

Prosjekt Bryggen vart starta opp i 2000 og er eit statleg finansiert program for sikring og istandsetting av bygningar på verdsarvstaden Bryggen.

Målsettinga er å ruste opp verdskulturminnet Bryggen til eit nivå som er i samsvar med kulturminnet sin høge status og slik at ein deretter kan halde fram skjøtselen med vanleg vedlikehald.

I Prosjekt Bryggen samarbeider Riksantikvaren, Hordaland fylkeskommune, Bergen kommune og eigarane på Bryggen. Midlane blir løyvd årleg frå statsbudsjettet kapittel 1429 post 72.9.

Prosjekt Bryggen er inndelt i ei rekke delprosjekt, som følgjast opp på forskjellige forvaltningsnivå. Fylkeskommunen forvaltar tilskota til istandsetting og sikring av bygningane, og stiller ein seniorrådgjevar til disposisjon som programansvarleg.

For 2013 har fylkeskommunen fordelt ca. 18,9 millionar kroner i tilskot. Det meste av desse midlane går til dei pågåande istandsettingsarbeida i til saman 10 bygningar i Holmedalsgården, Svensgården og Bellgården, og til start av istandsetting av to bygningar i Bugården.

Retningslinjer for tilskot i Prosjekt Bryggen finn du under menyen til høgre.